ومرت السنون....
ولم أعرف العوو إلا من أسبوع فقط تقريبا( يعني عشت 41 سنة جاهل بالعو )
شفت العو والله ... سمعت كلماته..... شاهدت حركاته....
وصدقت امي ... هتنام ولا أجيب لك العو
ويا ريتنى يا امي نمت... وماشفت العو
إلى هذه الدرجة وصلنا ( العوو) يا للهول !!
وبعدين دا مش جاي لوحده ... دا جاي ومعاه زبانيته وأعوانه ... الذين يغوون الناس فيرموهم في قاع جهنم
عيني عينك كدا.... العوو على شاشات التلفزيون....
والغريبة إن الاولاد الصغيرين شافو العوو ... ومش خافو منه.... لا والأكادة أنهم مبسوطين بيه...( بيني وبينكم وباللى معاه ) .
شايفع يا وليه... آدي النسوان ولا بلاش ... حاجة كدا قيمة 40 , 45 كيلو .... مش 120 مشفي...
شايفه البت ... بلطية والله.... بياض يتاكل اكل ... جتنا نيلة في حظنا الهباب
مش تجيبي لك خمسة ستة بتوع من اللى لابسينهم دول... وتلوني شعرك كدا ... وتحطي شوية رووووج ... بدل ريحى التقلية والتوم اللى علطول بشمهم منك... إف
.............................................
أيوه يا نانسي ... شفتي كليب العو ... تحفة
بقولك عوزين ننزل نشتري شوية هوت شورت زي اللى البنات طالعين بيهم دول ... يبقو تحفة في مارينا الصيف دا.... أه نعمل بيهم احلى شغل ...
.......................................
يا بني قوم ذاكرلك كلمتين الامتحانات قربت..... ووطي الزفت دا شوية... هو أنت بتتفرج على أيه.... أيه أيه دا ... الله يخرب بيت أبوك .... تعالى يا ست هانم شوفي ابنك بيعمل إيه ( وكأنه بيعمل فعل فاضح في الطريق العام ) .
....................................
وهو دا العوو الجديد
شوية بنات نص سوى.... وواد أخنف .... ومزيكا دربوكة ....
الله يرحكم يا أمي ... يا رتني نمت قبل ما يجيلي العوو
ليست هناك تعليقات:
إرسال تعليق