إيه فيه أمل

إيه فيه أمل

وما نقدرش ما يبقاش عندنا أمل.... طول ما جارة القمر .. تصدح .. وتغرد في سماء وطننا العربي... سما ست الكِل ( بيروت ) .

فيه أمل ... أكيد بكرة هيبقى أحلى من النهارده ...... ملامحه إيه ؟ خطوطه إيه ؟ محدش يعرف !!

بس أكيد مختلف... علشان كدا فيه أمل .

فيه أمل... أن جميع الطغاة والمستبدين إلى مزبلة التاريخ كما سبقهم آسلافهم... فرعون وهامان وهتلر وموسوليني ..

فيه أمل... في الشعوب يتصلح أحوالها ... وترجع للمواطن العربي كرامته داخل موطنه... هتتلغي أقسام الشرطة... ومش هيبقى فيه إسلام تاني... ولا هنشوف حد زي عماد بتنتهلك كرامته....ولا هيبقى فيه خالد سعيد تاني.

فيه أمل.... إن الانتخابات تكون حرة ... نظيفة... الشعب هو اللى هيختار... من غير إشراف قضائي ولا لجان المجتمع المدني.

فيه أمل .... لكن ما فيش نظيف... ولا سرور... ولا عدلي... ولا جمال.... ولا عز...ولا شريف .....

فيه امل .... أن الصحف تكتب اللى هي شيفاه من غير مجلس أعلى... فيه أمل الصحفي يخرج في 90 دقيقة يقول اللى هو عاوزه من غير ما معتز يقطع عليه.

فيه أمل... الدستور ترجع .... وعيسى قلمه يرجع ينبض تاني... وعمرو يرجع بالموز بتاعه .

إيه فيه امل... غنتها الست فيروز امام 7000 مشاهد من معجبيها من شتى الأقطار العربية... واللي يخلي الواحد يدفع 400 دولار تمن التذكرة ... وفي السوق السودا وصلت 2000 دولار.... هو الأمل .

خلي عندك أمل.... واسمع فيروز