طبعا الكل هيمسك الريموت دلوقت ويفضل رايح جاي على الـ 450 قناة اللى على النيل سات .............. ما فيش حاجة ........ يعيد العملية مرة تانية............ برضه ما فيش حاجة
أنت بتفشر علينا ولا إيه يا عم محمد......
لا والله يا رجالة
القناة موجودة......... وأنا ذات نفسي لسه شايفها من شوية
........
وأنا قاعد أقلب في ألـ 450 قناة ( أصل دي هواية عندي .....) أنا مش بتفرج غير على الجزيرة ...... ومنى الشاذلي
والنهارده أكتشفت الاكتشاف دا ......... قناة بورنو عندنا ........ يا مرحبا يا مرحبا
أصلها كانت ناقصة
ومين صاحبها ؟
والله هتستغربوا
وهتستغربوا أكتر لما تعرفوا مين جده ؟
خمن....
ركز ........
أهرش في شعرك......
أيه جبتها؟
برافو عليك
الأستاذ الفاضل جمال بيه مروان حفيد راعي العروبة والقومية ........
جمال عبد الناصر
تخيلوا ؟
أيه الهباب اللى أنت عامله دا يا جيمي
ميلودي هيتس
دا هيتس على الاخر
دا هيتس على البحري
دا هيتس جدا
هو كان ناقص إيه في الأغنية المنيلة اللى أنا شفتها للفاضلة المبجلة المحترمة ست ( برتني )
يا نهار الوان يا جدعان
يا نهار من غير هدوم
عيني عيني كدا
فين أم الرقابة
فين الجماعة بتوع النيل سات
هو جيمي مش لما جه يعمل قناة مضى على العقد بتاع النيل سات ؟
طيب يا جدعان ما هو فيه مادة في العقد بتقول الاتي :
" يلتزم المستأجر بعدم بث أي مادة لها علاقة بالكهانة , أو السحر , أو الشعوذة , أو تسئ إلى الأديان والأخلاق والآداب العامة في منطقة التغطية أو تتعارض مع أهداف نيل سات ( و عرب سات ) أو مع ميثاق الشرف الاعلامي العربي " .
مش هي دي المادة المنصوص عليها في العقد ؟
طيب ... فيه إيه بقى ؟
هو جيمي سايق الهبل على الشيطنة ليه ؟
يا جيمي لِم تعابينك ......... العملية مش ناقصة
وبعدين مش علشان شوية عيال سيس ........ تعملهم قناة زبالة بالشكل دا
بورنو يا جيمي
الله يرحم جدك....... اللى مات قبل ما يشوف الست ( برتني ) على قنواتك المحترمة .
والله يرحم اللى اختشوا
اللى ما توا.......... لأنهم اختشوا
ليست هناك تعليقات:
إرسال تعليق