المكان : شقة جدتها في الزمالك .
الزمان : 1993
المناسبة : درس خصوصي
كالعادة ذهبت في ميعادي بعد المدرسة مباشرة للزمالك علشان حصة هبة
في الأول الثانوي .. لكن يخيل لك أنها في الجامعة
غضة ندية بريئة
لم تلوثها عوادم القاهرة المسمومة
لم تخدش حيائها مارية ولا هيفا ولا قمر ولا روبي
ذات الـ 16 ربيعا
متفتحة مقبلة للحياة
مشكلتها ان نص كلامها انجليزي
وانا بتاع عربي
يا بنتي اتكلمي عربي علشان افهمك
حاضر يا مستر
منهمك اوي في الشرح وهات يا تحليل في مسرحية مجنون ليلى
وليلى من هنا خالص
قصدي هبه
تسللت يديها الى اجندتي الصغيرة
التى لم ارها من بين اصابعها وكفيها
وعلى صفحة 15/8 وفتحت ( لأنه عيد ميلادي )
وكتبت
ويا ريتها ما كتبت
بحبك..........
لفت بي الغرفة... وكدت أتصبب عرقًا
تماسكت .. ابتسمت ابتسامة صفرة
رد عليا
أرد على إيه ؟
على اللى انا كتبته
نخلص الدرس وبعدين نشوف الموضوع دا
لا .. دلوقت لو سامحت يا محمد
محمد كدا حاف !
دي ظاطت أوي .
قلت بعدين ( بصوت غبي )
طب عن إزنك ممكن ؟
اتفضلي .
راجعة عيونها محبوس فيها كل مياه المحيطات اللى في العالم
مش شايف عيونها العسلي
احمرار بالأنف
كحة
هو فيه ايه برد دا ولا ايه
المهم
هاتي بقى كشكول الواجب
التمرين من 1- 20 واجب
سلام .
انت رايح على فين ؟
مروح
جاوب على كلامي الاول
كلام ايه
اللى كتبته
المكان : مكتبي
الزمان : 2010
المناسبة : لما صحيت وشوفت الدبدوب البمبي
وسرحت مع الرائعة ويتنى هوستن
i will always love you
ليست هناك تعليقات:
إرسال تعليق